Të hiqet kuota për studentët e Luginës në Universitetin e Gjilanit

Gjilan – Në një takim të përbashkët në mes të Arben Dërmakut kryetar i Këshillit për themelimin e Universitetit të Gjilanit me liderët e Luginës Nagip Arifi e Ragmi Mustafa është kërkuar heqja e kuotës për studentët e Luginës që dëshirojnë të studiojnë në Universitetin e Gjilanit. Arben Dërmaku tha se Universiteti i Gjilanit do të jetë i hapur për studentët nga Lugina. Ne ende nuk e dimë numrin e saktë sa do të pranohen, por sigurisht për këtë do të vendos Bordi i Universitetit tha ai.

“Studentët e Luginës do t`i kenë dyert e hapura dhe do të jenë të mirëseardhur në Universitetin e Gjilanit për të studiuar”. Kështu u shpreh Arben Dërmaku kryetar i Këshillit për themelimin e Universitetit të Gjilanit gjatë një bashkëbisedimi që ka pasur të mërkurën me liderët e Luginës, Nagip Arifin dhe Ragmi Mustafa raporton rajonipress.

Arben Dërmaku tha se i ka njoftuar liderët e Luginës me kushtet që aktualisht i disponon Universiteti i Gjilanit dhe me mundësin e rritjes së numrit të studentëve të Luginës që dëshirojnë të studiojnë në Gjilan.”Ne jemi të hapur për studentët e Luginës, por edhe për kuadrin e atjeshëm sepse ne si Universitet i ri do të kemi nevojë edhe për profesor e mësimdhënës nga ai rajon. Nuk e dimë numrin e saktë të studentëve që do të marrim, por sigurisht që ai do të jetë i mjaftueshëm dhe në harmoni me kriteret e Universitetit të Gjilanit” tha Dërmaku.

Dërmaku tha se Universiteti i Gjilanit ka edhe potencial kadrovik edhe infrastrukturë për të pritur numrin e studëntëve nga Lugina.

Kurse Nagip Arifi tha se Lugina e Preshevës e ka pritur me entuziazëm hapjen e Universitetit të Gjilanit sepse kështu na është hapur një dritare më afër. Arifi tha se shumë shpejt ky Universitet edhe mund të hap degët e veta edhe në Bujanoc e Preshevë dhe ne sot i kemi ofruar numrin e maturantëve të Luginës tha ai.

Ndërkaq Ragmi Mustafa ka qenë më i prerë rreth kërkesës së studentëve të Luginës që dëshirojnë të studiojnë në Gjilan. “Nuk mund t ketë kuotë për studentët e Luginës” tha Mustafa.

Mustafa tha se edhe studentët e Preshevës kanë shprehur interesim për të studiuar në Gjilan dhe ne jemi shumë të interesuar që pas tri vitesh të hapen degët e këtij universiteti edhe në Preshevë.

Mustafa tha se Universiteti i Gjilanit është një dritare e mirë dhe tani studentët e Luginës nuk kanë nevojë të studiojnë në Novi sad apo Beograd dhe të maltretohen nëpër universitet private e politike.

Ndryshe Arben Dërmaku tha se takime të tilla do të ketë edhe në ardhmen me të gjithë të interesuarit e Luginës./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).