Të hetohen “Kullat” milionëshe të pasluftës

Pasuria e secilit prej tyre është rritur shumë shpejt pas luftës. Disa i kanë bërë edhe milionat. Por asnjëherë nuk është bërë ndonjë hetim se si krerët e ish UÇK-së, arritën që pas luftës ta krijojnë këtë pasuri. Rasti i fundit i kryeparlamentarit Jakup Krasniqit nxit edhe më shumë dyshime rreth prejardhjes së pasurisë së tyre.

Përderisa kryeparlamentari Krasniqi dhe krerë të tjerë të ish UÇK-së, krijuan pasuri të mëdha, duke ndërtuar edhe pallate në Prishtinë, ka shumë veteranë të luftës që kanë bërë vetëvrasje për shkak të gjendjes së rëndë ekonomike e sociale.

Ndërsa pjesa tjetër e kategorive të dala nga lufta, jetojnë në kushte të mjerueshme e disa nga ta edhe pa kulm mbi kokë.

E pasurimi kaq i madh i krerëve të UÇK-së, sipas njohësve të çështjeve politike duhet të hetohet nga Prokuroria e Shtetit. Kjo pasi sipas tyre, pasuria e tyre është e dyshimtë dhe duhet të dihet prejardhja e saj…(Tribuna).