Të gjithë për zgjedhje

Liderët e partive politike nuk janë takuar të enjten ashtu siç ishin marrë vesh një ditë më parë, pasi që lideri opozitar, Isa Mustafa udhëtoi jashtë vendit.

Ky anulim i takimit ku pritej t’i jepet fund kësaj nomenklature legjislative, është shtyrë për javën tjetër, ndërsa disponimi i partive të mëdha, kryesisht atyre opozitar mbetet i njëtrajtshëm, për ta shpërbërë Kuvendin dhe për të shkuar në zgjedhje të reja.

Duket se ky është konsensusi i vetëm i krahut opozitar për zgjedhje të re, edhe pse idetë e veprimit kundër Qeverisë i kanë të ndryshme.

“Unë mendoj se zgjedhjet e reja mund të mbahen shumë shpejt. Pres që javën e ardhshme të definohen gjërat, të thirret edhe një seancë parlamentare dhe përfundimisht Kuvendi të shpërbëhet”, tha Teuta Sahatqija, nënkryetare e LDK-së./zeri/