Të gjitha rrugët për arritje kanë një burim, mendjen tonë

Nga Arben Kurteshi – Një komb që e mban një sy nga e kaluara është i mençur, një komb që i mban dy sytë nga e kaluara është i verbër “THËNIE IRLANDEZE”.

Më mirë, më lehtë, më shpejt do ta zhvillonim vendin, nëse e kuptojmë sesi në krizën më të madhe të, të gjitha krizave; dhe në kohën më të vështirë të, të gjitha kohërave e gjetëm forcën, inkurajimin, vendosmërinë, këmbënguljen; ku pikturuam planet, ku ndryshuam kushtet e rrethanat; dhe ku transformuam çdo veprim, gabim e sukses në shteg drejt arritjes sonë shekullore për çlirim dhe sollëm LIRINË.

Të gjitha rrugët për arritje kanë një burim MENDJEN TONË.
Nëse në kopshtin e mendjes sonë, mbjellim idealin e zemrës dhe vizionin e mendjes përparimtare, dhe e kultivojmë atë; nuk mbetet vend në kokat tona të mbien dhe rritet gjë tjetër, pos të ardhmes sonë të bardhë e të ndritur.