Të enjten debat dhe (jo) zgjedhje të kryeparlamentarit

Koalicioni paszgjedhor, LDK, AAK, Nisma dhe “Vetëvendosje” është i vendosur që debatin me PDK-në ta bëjë vetëm në Kuvendin e Kosovës, në tentim për t’i dhënë fund bllokadës institucionale.

Opozitarët tashmë kanë bërë një shkresë për të gjithë deputetët e Kuvendit, ku njoftohen se më 9 tetor në orën 10:00, vazhdon seanca e papërfunduar konstituive e legjislaturës V, me të vetmen pikë të rendit të ditës: Zgjedhja e kryetarit dhe e nënkryetarëve të Kuvendit.

Por pavarësisht kësaj, koalicioni VLAN do të rezervohet nga zgjedhja e Isa Mustafës kryetar Kuvendi, pa prezencën e grupit më të madh parlamentar, PDK-së. /Koha Ditore/