Të dielën
Nuhi Ismajli, poezi (Të dielën)
të dielën gjithsesi ndalemi
me diell e rreze
mbi shpirtin tonë
shohim e pastrojmë njollat
e plagët e ditëve
mëkatare
nëpër të cilat
mund të na ketë tunduar
qoftëlargu
të dielën
(ndalemi gjithsesi!)
me diell e rreze pastrojmë
e forcojmë
shpirtin
trupin e mendjen
për të ecur tutje
pa të dielën
s’ka pse fillohet java
as të ëndërrohet
ecja me këmbët tona
as shmangia
nga gjurmat e qoftëlargut
të dielën
nuk ka frikë
nuk gabohet
e diela
na pastron e shëron
qoftë edhe nga përrojet
e lluca djallëzore
të dielës
nuk i vjen era
assesi
e diela është e larë
me diell
e rreze hyjnore
pa të dielën
s’ka pse fillohet java
(29. 6. 2013).