Gjilan – Klubi i Karatesë “Agim Ramadani” nga Gjilani, do të jetë mikpritës i turneut të parë ndërkombëtar të karatesë që do të mbahet të dielën në Palestrën Sportive “Bashkim Selishta-Petriti” duke filluar nga ora 10:00.
Ky turne i madh i karatesë do të mbahet për nder të heroit kombëtar Agim Ramadani, ku do të marrin pjesë karateistët nga Shqipëria, Kosova, Mali i Zi, Maqedonia e Veriut e Lugina e Preshevës – pjesëmarrës do të jenë mbi 50 klube e afër 300 karateist.
Për këtë turne të karatesë “Ditët e Agimit”, janë bërë të gjitha përgatitjet për këtë turne prestigjioz. ‘Kemi bërë të gjitha përgatitjet si në aspektin organizativë, poashtu edhe përgatitjet e të gjithë karateistëve që të jenë të përgatitur sa më mirë për këtë turne pasiqë është njiherit edhe garë për pikë Pasi ky është turne nën ombrellën e FKK-së dhe do të ketë për herë të parë për çdo fitues edhe plaketa e medalje me portretin e heroit “Agim Ramadani”.
Ne jemi të nderuar dhe krenar që klubi ynë ka emrin e heroit kombëtar “Agim Ramadani”, ku do ta përfaqësojmë në mënyrë dinjitoze, njëherit e kisha falënderuar edhe trajnerin Alban Beqiri i cili nuk ka kursyer asgjë që të jemi sa më të përgatitur për këtë turnir ndërkombëtar”, ka bërë të ditur Shkelzen Balaj, organizator e drejtues i KK “Agim Ramadani”./rajonipress/
