Tayna: Unë punoj shumë, paguaj faturat e mia dhe mbaj veten

Reperja e njohur shqiptare, Tayna, gëzon një sukses që jo shumë bashkëmoshatare të saj kanë fatin ta kenë.

Ajo është vetëm 24 vjeçare, teksa gëzon një famë të madhe në mbarë trevat shqiptare si një nga reperët më në zë të skenës.

Të ardhurat e mira nga muzika, duket se i kanë mundësuar reperes me prejardhje nga Prizreni që të bëjë një jetë mjaft të mirë dhe luksoze.

Ajo madje është e pavarur dhe nuk gëzon mbështetje nga askush, duke qenë në gjendje të ia plotësojë vet dëshirat vetes.

Këtë Tayna e ka theksuar në një fotografi të fundit të publikuar në InstaStory, ku shfaqet teksa i jep makinës, e ndërsa në mbishkrimin e saj përmend të mirat që ka si një femër e pavarur.

“Unë punoj shumë, paguaj faturat e mia dhe mbaj veten. Jam e pavarur. Kur të më shihni, ta dini se vetëm unë jam. Unë nuk jam e mbajtur, unë bëj mbajtjen, të dashur. Tani kjo është një lloj tjetër krenarie vajza”, ka shkruar 24-vjeçarja.

Përndryshe, është përfolur se ajo shumë shpejt do të vijë në një bashkëpunim të ri me reperin Mozzik, në një këngë e cila do të ketë fjalor eksplicit. /Telegrafi/