Taulant Xhaka luan ndeshjen e 300-të, mbyllet pa fitues derbi mes shqiptarëve në Zvicër

Ndeshja mes Baselit dhe Zurichut në Superligën e Zvicrës java e 29-të u mbyll me rezultatin e barabartë 2:2.

Në minutën e 9’të, futbollisti shqiptar, Lindrit Kamberi shënoi për 0:1, shkruan Indeksonline

Pak minuta më vonë, Leon Avdullahu barazoi shifrat në 1:1. Kurse dy golat tjerë i realizuan: Kade dhe Conde.

Në këtë ndeshje u paraqit edhe Taulant Xhaka – që ishte takim special për të, duke shkuar në shifrën e 300 takimeve në Superligën e Zvicrës.

Me këtë barazim, Baseli shkon në kuotën e 33 pikëve në pozitën e 9-të, kurse Zurich në pozitën e 4-të me 44 pikë./Indeksonline/