Taulant Seferi vazhdon shkëlqimin në Ukrainë, tjetër gol me fanellën e Vorsklas

Taulant Seferi ka gjetur sërish golin në elitën e futbollit ukrainas.

Sulmuesi i Kombëtares së Shqipërisë e ka nisur nga minuta e parë duelin mes Vorskla Poltavas dhe Minaj, ku skuadra e tij triumfoi 2-0.

Ish-sulmuesi i Tiranës realizoi në minutën e 19-të golin që kaloi në avantazh skuadrën e tij duke u tregua i saktë pas asistimit nga Olijnyk.

Ky ishte goli numër dy në këtë sezon për futbollistin nga Kumanova i cili e ka fituar menjëherë statusin e titullarit në skuadër.

Vlen të theksohet se pjesë e ekipit të Vorsklas janë edhe dy ish-futbollistë të tjerë të Tiranës, Ennur Totre dhe Ardit Toli.

Seferi qëndroi në fushë gjatë 90 minutave, derisa Toli u fut nga banka rezervë në minutën e 63-të.

Për fat të keq për Ennur Torten nuk pati hapësira në këtë sfidë. /Telegrafi/