Tarashaj mund të rikthehet në futbollin zviceran

Shani Tarashaj ka lënë mbrapa lëndimin e rëndë që kishte pësuar.

Sulmuesi i talentuar nga Kosova nuk ka mundur të luaj në vitin e fundit me skuadrën e tij Everton.

Lëndimi i pësuar ka bërë që Tarashaj të mbetet jashtë fushave rreth një vit.

Por tani sulmuesi i talentuar nga Prizreni ka lënë mbrapa atë lëndim të tmerrshëm dhe i është kthyer fushës.

23-vjeçari ka kontratë me klubin anglez deri në qershor të vitit 2020.

Shani Tarashaj gjatë një ndeshje me Kombëtaren e Zvicrës (Getty Images)

Por Evertoni ka vendosur për ta huazuar Tarashajn që të ketë sa më shumë minuta pas rikthimit nga lëndimi.

Mediat zvicerane kanë raportuar se është ish-skuadra e kosovarit Grasshopper që ka shprehur interesim për ta rikthyer atë.

Tarashaj mund të huazohet për një vit te GC për të luajtur rregullisht dhe për ta rikthyer formën e vjetër.

Sa ishte pjesë e kampionatit zviceran Tarashaj shkëlqente në çdo ndeshje me gola e asistime.

Pas rikthimit nga lëndimi, pritet rikthimi i Tarashajt të vjetër për ta bërë atë që di më së miri – të shënojë gola. /Telegrafi/