Tarashaj kryen testet mjekësore te Evertoni

21-vjeçari ka nënshkruar kontratë për katër vjet e gjysmë e vlefshme 3 milionë funte, por do të qëndrojë në Grasshopper deri në fund të sezonit.

Shani Tarashaj i është nënshtruar testeve mjekësore para se t’i bashkohet Evertonit gjatë verës. Kështu bën të ditur “liverpoolecho.co.uk’, përcjell albinfo.

21-vjeçari ka nënshkruar kontratë për katër vjet e gjysmë e vlefshme 3 milionë funte, por do të qëndrojë në Grasshopper deri në fund të sezonit.

Tarashaj ishte në “Finch Farm” të hënën dhe të martën për disa teste për të qenë të sigurt se ai do të jetë i gatshëm gjatë përgatitjeve për sezonin e ardhshëm.

“Ai erdhi këtu dy ditë dhe ne kemi shumë marrëdhënie të mira me skuadrën zvicerane”, deklaroi trajneri i Evertonit, Roberto Martinez, i cili shtoi më pas: “Ishte mirë që e pamë. Ai duhet të mbarojë shërbimin ushtarak dhe ishte mirë që të punoja pak me të. Ishte këtu të hënën dhe të martën, derisa në fundjavë, do të luajë për skuadrën e tij zvicerane. Ai nuk ka stërvitur me skuadrën, por vetëm.

Ai është përgatitur sesi do të jetë të luajë në Premierligë”, theksoi Martinez. Tarashaj së fundi u paraqit edhe për Zvicrën në miqësoret ndaj Irlandës dhe Bosnjës.