Talenti i Kosovës është gati për Turqinë

Besar Halimi, i cili është i vetmi lojtarë i Kombëtares së Kosovës, që luan në një ndër pesë ligat më të forta, duket se është gati për sfidën kundër Turqisë.

Mesfushori 21 vjeçar i skuadrës nga Bundesliga, Mainz 05, ka postuar disa fotografi në rrjetet sociale, duke treguar se kanë përfunduar me sukses stërvitjet e fundit para ndeshjes së nesërme, përcjell Gazeta Express.

“Përgatitja para lojës kundër Turqisë në Antaly”, ka shkruar ai në rrjetet sociale.

Halimi nuk po arrin që të bind momentalisht trajnerin Albert Bunjaki për një vend startues në Kombëtare, por është një lojtar me të ardhme të ndritur. /Express/