Gjilan – Mesfushori i talentuar i SC Gjilanit, Butrint Azemi, në ballafaqim me Ballkanin në kategoritë e reja U19 kishte thyer dorën në minutën e 70 të ndeshjes, por fatmirësisht ai sot është operuar me sukses.
Talenti 18 vjeçar, Azemi, i dashuruar pas lojës së futbollit i cili jeton në qytetin e Vitisë, çdo ditë udhëton drejt qytetit të Gjilanit për ti zhvilluar stërvitjet dhe ndeshjet, por për të ndeshja aksidentale ishte ajo në ballafaqim me Ballkanin në Suharekë në minutën e 70-të, kur e kishte thyer dorën. Edhe vet futbollisti Butrint Azemi është i befasuar se si e theu dorën.
“Kam bërë një start në fushë dhe e kam nxënë dorën në pozitë të palakmueshme, kam ndier një dhimbje të tmerrshme dhe u konstatua se e kisha thyer dorën e majtë”. Fatmirësisht Azemi u operua me sukses, duke ju falënderuar dr.Imran Shaqirit. “Sot e kam bërë dorën operacion dhe jam falënderues dr.Imran Shaqirit i cili më operoi dorën pa asnjë problem duke treguar profesionalizëm të lartë”, thekson futbollisti Azemi.
Talenti 18 vjeçar, Butrint Azemi ka falënderuar klubin e tij SC Gjilani dhe njerëzit e saj. “Jam shumë i lumtur që trajneri Premton Muja, bashkëlojtarët e mi dhe i gjithë stafi i SC Gjilani në çdo moment ishin afër meje duke më inkurajuar, kjo për mua në këto momente të vështira ishte një kurajo shumë e madh. Uroj që shumë shpejt të rikthehem në fushë me gjithë këta njerëz të mirë të SC Gjilanit”.
Urojmë që mesfushori i talentuar Butrint Azemi të tejkalon këtë sfidë dhe sa më shpejt të ju bashkëngjitet skuadrës së tij të zemrës SC Gjilani, ndërsa për këtë kujdesje të SC Gjilanit për futbollistin e tyre meritojnë çdo lëvdatë./rajonipress/
