Talenti gjilanas Yll Ibrahimi i lumtur për ftesën në Kombëtaren U-19 të Kosovës

Njëri ndër talentët e rrallë të futbollit është edhe futbollisti i FC Dritës, Yll Ibrahimi, i cili ende nuk i ka mbushur 18 pranvera, por sipas njohësve të futbollit këtij talenti i parashikojnë një karrierë të madhe futbollistike.

Mbrojtësi i majtë i FC Dritës, Yll Ibrahimi, nuk ka mbetur pa u vërejtur edhe nga kampi i U-19 të Kombëtares së Kosovës, i cili për dy ditë radhazi ka marrë ftesë që të jetë pjesë e grumbullimit të futbollistëve U-19 në qendrën futbollistike në Hajvali.

“Jam shumë i lumtur për ftesën nga ana e trajnerit Ramiz Krasniqi që të jem pjesë e “Dardanëve” të U-19, të mbrosh ngjyrat e shtetit tënd është diçka shumë emocionale dhe nder i veçantë për mua, kjo është një ëndërr të cilën po e realizoj dhe të jesh nën drejtimin e një përzgjedhësi çfarë është Ramiz Krasniqi është një kënaqësi e veçantë”, ka theksuar mbrojtësi i majtë, Yll Ibrahimi.

Talenti Ibrahimi ka theksuar se për dy ditë gjatë grumbullimit në Hajvali takimet me shumë futbollist dhe stafin e U-19 do të jetë një kujtesë e veçantë në karrierën e tij.
“Për dy ditë të gjithë futbollistët kanë dhënë më të mirën e tyre, ka qenë një atmosferë tejet e mirë ndërsa përzgjedhësi Ramiz Krasniqi me stafin e tij na ka lënë mbresa tejet të mëdha, uroj që paraqitjet e mija ta kenë bindur përzgjedhësin Krasniqin që në të ardhmen të jem pjesë e “Dardanëve” për t`i arritur objektivat të cilat i ka përzgjedhësi Krasniqi, dhe premtoj se tërë potencialin tim që kam do ta jap për të mirën e Kombëtares së Kosovës”, shprehet Ibrahimi.

Yll Ibrahimi konsiderohet njëri ndër mbrojtësit më të mirë të grupmoshave U-19 dhe me të drejt nga ky talent i futbollit, futbolli i Kosovës do të fiton shumë./rajonipress/