Talenti Gjilanas që po dridh futbollin Francez

Gjilan – Futbollisti me prejardhje nga Gjilani, Elvis Bettulat, me talentin e tij ka bërë që shumë skuadra të mëdha Franceze ta kërkojnë në mesin e tyre.

Futbollisti 15 vjeçar nga Gjilani i cili njeherit është edhe futbollist i Kombëtares së Kosovës U17, me lojërat e tij në fushën e gjelbërt ka detyruar tri skuadrat e mëdha Franceze të kontaktojnë me këtë talent të madh të futbollit.

Talenti shtatë gjatë i cili luan në pozitën e qendërmbrojtësit tek skuadra Lyon, ka vërtetuar një interesim të tillë.

“Unë jam pjesë e Lyonit, këto ditë më kanë ardhë tri ftesa nga AS Monaco, FC Metz dhe Nantes për tu bërë pjesë e tyre, është një nder i veçantë që më kanë mbërritur këto ftesa nga këto klube gjigante, do të ulem dhe do të bisedojmë për çdo gjë në mënyrë profesionale, skuadra e cila më ofron kushtet më të mira për perspektivën time futbollistike do të jetë më afër transferit tim andaj nuk dua të ngutem”, ka theksuar Elvisi./sylejman ismajli/rajonipress/