Talenti Elvis Bettulat sprovohet në Freiburg të Bundesligës Gjermane

Gjilan – Talenti i futbollit me prejardhje nga Gjilani, Elvis Bettulat, i cili po bën karrierë të futbollistit në shtetin e Francës në skuadrën Ain Sud partnere e Olympique Lyon, është vërshuar nga shumë oferta të skuadrave të mëdha evropiane.

Futbollisti i cili edhe 2 muaj mbush 16 vjeç, i cili luan si qendërmbrojtës, me lojërat e tija tek skuadra e madhe Olympique Lyon, nuk kishte mbetur pa u vërejtur edhe nga Përzgjedhësi U17 i Kosovës, Besnik Kollari, i cili ishte ftuar ti mbroj ngjyrat e Kosovës, por qendërmbrojtësi ka mbrojtur edhe ngjyrat e Kombëtares së Shqipërisë U17 në fund të vitit të kaluar.

Për talentin me prejardhje nga Gjilani, Elvis Bettulat, janë hapur shtigje të reja për karrierën e tij futbollistike, ai do të sprovohet tek skuadra e Freiburg e Gjermanisë nga 29 janari gjerë me 3 shkurt.
“Jam i nderuar por edhe jam i përgatitur mjaft mirë që të tregoj kualitetet e mija tek skuadra e Freiburgut në Gjermani, jam i bindur se do t’ja arrij qëllimin që ti bind udhëheqësit e klubit Gjerman që të jem pjesë e tyre pasiqë kam një përvojë mjaft të madhe në futbollin evropian, për të gjitha sukseset e mija do t`i kisha falënderuar trajnerët e mijë të cilët kanë bërë një punë tejet profesioniste si dhe babin tim Franck Bettulat, i cili më ka përcjell gjerë më tani çdo hap të karrierës sime”, ka bërë të ditur, talenti i madh i futbollit, Elvis Bettulat./rajonipress/