Talenti Dienit Isufi që synon majat e futbollit evropian

Në radhët e FC Dritës tek grupmoshat U19 spikasin shumë talent të futbollit, njëri ndër ta është edhe talenti premtues 17 vjeqari, Dienit Isufi, i cili me hapa të shpejt po dëshmon se do të ketë një karrierë të suksesshme të futbollistit.

Isufi karrierën futbollistike e kishte filluar në moshën 9 vjeçare, ndërsa gjatë këtyre 10 viteve si futbollist aktivë po lë gjurmë në fushën e blertë të futbollit, duke dëshmuar se futbollit të Kosovës po i vjen një talent i madh.

“Futbolli është gjithçka për mua, jam i dashuruar në lojën e futbollit tani e 10 vite, asnjëherë nuk kam munguar asnjë minutë si në stërvitje poashtu edhe në betejat futbollistike. Së pari shfrytëzojë rastin t`i falënderoj të gjithë trajnerët që kanë punuar me mua, ndërsa një ditë shpresoj se mundin e trajnerëve do ta dëshmojë në ndeshjet futbollistike në ndonjë skuadër të madhe dhe në Kombëtaren e Kosovës”, ka bërë të ditur 17 vjeqari, Dienit Isufi.

Isufi përpos që është një futbollist shumë premtues ai është edhe mjaft i dashur tek bashkëlojtarët e tijë. Në pozitën që luan Isufi si mesfushorë pasimet dhe vizioni i lojës ka bërë që bashkëlojtarët e tij ta kenë më lehtë gjatë 90 minutave.
“Kujdesem që të mbaj ritmin e lojës dhe ti shërbej bashkëlojtarët e mijë me topa për të qenë më të rrezikshëm në portën kundërshtare, mendoj se ja arrijë këtë qëllim pasiqë edhe nga trajneri kam përkrahje për lojën të cilën e shfaqi në fushë”, thekson Isufi.

Mesfushori i “bardhekaltërve” të Dritës U19, Dienit Isufi, i cili nga 17 paraqitje në stinorin vjeshtor ka shënuar një gol dhe ka bërë 7 asistime. Isufi ka një qëllim, dhe ai qëllim është që të jetë pjesë e Kombëtares së Kosovës U19.

“Po shpresoj dhe uroj që ndeshjet e mija të mira ti ketë përcjellur Përzgjedhësi i Kosovës në futboll U-19, Ramiz Krasniqi, do të isha i lumtur po të kisha një ftesë për të kontribuar për shtetin e Kosovës në futboll, por jam i bindur se Përzgjedhësi Krasniqi është duke e bërë një punë të mrekullueshme me U-19 duke arritur rezultate tejet të mira”.

Nuk ka dyshim se mesfushori i FC Drita, Dienit Isufi, është një talent i madh i futbollit duke shpresuar se shumë shpejt do ta kemi në ndonjë skuadër të madhe evropiane dhe në Përfaqësuesen e Kosovës për të na bërë krenarë me lojërat e tija./rajonipress/