Njëmbëdhjetë vjeçari Ari Dërmaku, i cili nga mosha 7 vjeçare u dashurua në lojën e futbollit, çdo ditë e më shumë po tregon kualitetet e tij të një talenti të madh të futbollit.
Dërmaku i cili kontributin e tij në fushë po e jep si mesfushorë në KF Dardana 10, duke dëshmuar se ka një ardhmëri të ndritur. “Jam i dashuruar në lojën e futbollit që nga mosha 7 vjeçare, hapat e parë i kam marrë në këtë mes futbollistik për çka jam shumë falënderua nga të gjithë njerzit që janë pjesë e KF Dardana-10”, thekson Dërmaku.
Mesfushorin Dërmakun i cili kontributin e tij po e jep në KF Dardana-10 e karakterizon teknika me top inteligjencën që e ka gjatë lojës por edhe shpirtin luftarak që e shfaqë gjatë ndeshjes. “Ari është një futbollist mjaft i talentuar, ai është pjesë e jona tani e 4 vite, ai çdo ditë e më shumë po na bind se kemi të bëjmë me një talent të madh të futbollit. Ari gjatë ndeshjes ka një kontrollim të mirë të topit, është luftarak e ka një inteligjencë të mire, të gjitha këto tipare e bëjnë një futbollist shumë kualitativ”, ka bërë të ditur trajneri i mirënjohur i KF Dardana10, Rasim Rahimi.
Ari Dërmaku uron që një ditë të afërme ta bën krenar KF Dardanën e shtetin e Kosovës me paraqitjet e tija në fushën e blertë. “I jam mirënjohës trajnerëve të Dardana të cilët me dijen e tyre po na bëjnë edhe më të forte. Në mesin tonë kemi shoqëri të shkëlqyer me shumë futbollist cilësor e në veçanti kemi trajnerin Rasim Rahimin i cili po jep një kontribut të madh drejt arritjeve tona të formohemi si futbollist e ne në një ditë të afërme ti bëjmë krenar me paraqitjet tona”.
Talenti Ari Dërmaku ka premtuar se nuk do të ndalet në asnjë moment për ti arritur piramidat e futbollit vendor e evropian. KF Dardana 10 në mesin e saj përpos Ari Dërmakut ka edhe shumë talent tjerë që pritet së shpejti të tregojnë kualitetet e tyre./rajonipress/
