Talenti Altin Berisha nga Zvicra në Përfaqësuesen e Kosovës

Gjilan – Njëri ndër talentët i cili ju ka bashkangjitur Përfaqësueses së Kosovës U19 në futboll, është 17 vjeqari Altin Berisha me prejardhje nga Gjilani, i cili karrierën e tij futbollistike me mjaft sukses është duke e zhvilluar në shtetin Helvetik në Zvicër.

Berisha i cili ka kaluar të gjitha kategoritë e futbollistit, me të drejtë shpresohet se do të ketë një karrierë të ndritur ne futbollin Zvicran, por do të jetë edhe një ardhje e madhe e futbollit Kosovar.

Talentin e tij e kanë vërejtur shumë njohës të futbollit, me lojërat e tija të mira ka bërë që edhe Përzgjedhësi i Kosovës U19, Ramiz Krasniqi, ta fton në radhët e Përfaqësueses së Kosovës, i cili gjatë dy ditëve në qytetin e Ferizajit në grumbullimin e U19 ka treguar shkathtësi dhe një talent të veçantë të futbollistit.
“I jam falënderues trajnerit Ramiz Krasniqit i cili më ka bërë ftesën të jem në Përfaqësuesen e Kosovës, gjatë dy ditëve të kaluara në mesin e bashkëlojtarëve dhe trajnerëve, jam ndier jashtëzakonisht mirë me punën profesionale që kanë treguar trajnerët me të gjithë futbollistët, çka është vërejtur se në mesin e kësaj Përfaqësuese ka shumë talent të mirë të futbollit”, shprehet me modesti Altin Berisha.

Mesfushori Berisha i cili len një përshtypje të një futbollisti të pjekur, nuk e fsheh fshehtësinë dhe krenarin e tij me paraqitjen e tij në petkun e Kosovës.
“Është nder dhe krenari t`i mbrosh ngjyrat e shtetit të Kosovës, e kam ndier vetën shumë krenar t`i mbrosh ngjyrat e një vendi të familjes është krenari, në të ardhmen do ta jep më të mirën që di dhe mundem që ta bëj vetën dhe shtetin e Kosovës krenar në arenën ndërkombëtare, këtë e kemi obligim dhe traditë Kosovare që shteti duhet të mbrohet me nder”, thekson me emocione talenti Altin Berisha.

Përpos talentit Altin Berisha, shteti i Kosovës ka edhe shumë talent në diasporë ata duhet ftuar dhe nuk duhet ti harrojmë për të dhënë më të mirën e tyre./rajonipress/