Talentët shqiptarë që De Biasi iu rekomandon klubeve italiane

Në një intervistë të postuar në faqen zyrtare të trajnerit të Kombëtares së Shqipërisë, Gianni de Biasi, ka folur për pritshmëritë me Shqipërinë në Euro 2016, ndërsa ka theksuar edhe cilët talentë shqiptarë iu rekomandon klubeve italiane.

Sipas tij, përveç Manajt që tashmë është pjesë e Interit, talentë si Milot Rashica dhe Liridon Latifi janë dy talentët e tjerë që suhet ndjekur nga afër, transmeton Koha.net.

“Përveç Manajt, që tani luan për Interin dhe tashmë ka debutuar me gol në fanellën e Shqipërisë, dy talentët që do t’iu rekomandoja klubeve italiane janë Milot Rashica, që luan në Vitesse dhe 22 vjeçari i Skënderbeut, Liridon Latifi, të dy janë të shkëlqyer”, është shprehur De Biasi.

De Biasi gjithashtu ka folur për synimin e Shqipërisë në Euro 2016, për të cilën ka thënë se shkojnë për fitore.

“Seriozisht shkojmë për fitore, duam të bëjmë përshtypje të mirë. Kemi kundërshtarë të fortë. Francën tashmë e kemi mposhtur, Rumania është një ekip në ngritje, kurse Zvicra është një kundërshtar i vështirë”, ka thënë De Biasi.

http://koha.net/?id=6&l=91832