Talentët e Përfaqësueses U19 për tri ditë stërvisin në Prishtinë

Futbollistët e Përfaqësueses së Kosovës U19, në stadiumin e 2 Korrikut në Prishtinë, për tri ditë do të jenë në grumbullimin e tyre për të shpalosur talentin e tyre.

Nën drejtimin e Përzgjedhësit, Ramiz Krasniqi, 25 futbollist si ata vendor dhe nga diaspora, sot kanë stërvitur ushtrime tekniko-taktike ndërsa siq ka potencuar vet, Përzgjedhësi Krasniqi, gjatë këtyre tri ditëve do të jetë edhe një ndeshje kontrolluese.

Në mesin e shumë futbollistëve dhe talenteve nga klubet e ndryshme evropiane dhe futbollistëve vendor të cilët treguan kualitete të larta në këtë grumbullim mjaft cilësor, në mesin e shumë talentëve ishte edhe Bleron Mulliqi 16 vjeçar me prejardhje nga rrethi i Pejës, i cili me shumë sukses po djersit fanellën e skuadrës Franceze, Thonon Evian FC.
“Jam shumë i lumtur që jam pjesë e Përfaqësueses së Kosovës në mesin e shumë talentëve, sot kemi stërvitur varianta të ndryshme të ndeshjes dhe për këtë jam shumë i kënaqur me punën e Përzgjedhësit Ramiz Krasniqi, i cili në mënyrë profesionale dhe edukative po na mundëson t`i përvetësojmë fshehësit e futbollit”, ka bërë të ditur 16 vjeqari Mulliqi.

Grumbullimi i Përfaqësueses do të mbahet gjerë me 9 Maj./rajonipress/