Talentët e Dritës, Yll Ibrahimi e Dienit Isufi debutojnë në ekipin e parë

Gjilan – Dy talentët e FC Dritës, mbrojtësi i majtë, Yll Ibrahimi e mesfushori Dientit Isufi, gjatë do ta mbajnë në mend çerekfinalen e Kupës së Kosovës me Ulpianën, pasiqë në këtë ndeshje këta dy talent të futbollit kanë marrë besimin e trajnerit të tyre, Ardian Nuhiut, të zhvillojnë ndeshjen në 20 minutat e fundit të ndeshjes.

FC Drita me këta dy talent ka nënshkruar kontratë profesionale në fillim të stinorit pranveror, duke shpresuar se shumë shpejt këta dy talent do të dëshmohen me kualitetin e tyre në ndeshjet e ardhshme. Ibrahimi e Isufi njeherit ishin edhe futbollist të Përfaqësueses së Kosovës U-19. Yll Ibrahimi e Dionit Isufi, për paraqitjen e tyre zyrtare tek “bardhekaltërtit” ishte mjaft emocionuese.

“E falënderoj trajnerin për besimin e dhënë, poashtu edhe bashkëlojtarët të cilët na frymëzuan duke na përkrahur gjatë tërë minutave të cilët ishim në fushë. Jemi të gatshëm që të japim më të mirën që dimë dhe mundemi për të mirën e klubit. Urojmë që me paraqitjet tona në të ardhmen t`i gëzojmë tifozët tanë “Intelektualët“.

Nuk ka dyshim se FC Drita në mesin e tyre ka dy futbollist të talentuar dhe cilësorë, të cilët në të ardhmen pritet që këta dy futbollist të shpërthejnë në klubin e tyre e në futbollin Kosovar./rajonipress/