Taipi vazhdon me gola, afër transferimit në Luzern
RajoniPress
21:05, 3 Shkurt, 2015
Mesfushori shqiptar, Gjelbrim Taipi, vazhdon të shkëlqejë me skuadrën e tij, Wil. Ish-reprezentuesi i Kombëtares së Shqipërisë U21, është në një formë të jashtëzakonshme, ndërsa ka shënuar edhe një gol tjetër në miqësore, transmeton Telegrafi.
Në takimin mes Wilit dhe skuadrës nga elita e futbollit zviceran, Aarau, Taipi ka shënuar golin e vetëm në ndeshje nga penalltia 1-0.
22-vjeçari është duke u kërkuar nga skuadrat zvicerane si Grasshopper, St. Gallen e Vaduz, por si duket më së afërmi është Luzerni.
Burime të Telegrafit pranë lojtarit kanë konfirmuar, se futbollisti nga Tërrnoci ka arritur marrëveshje me skuadrën e Luzernit dhe në ditët në vijim pritet zyrtarizimi i tij. /Telegrafi/
