Tahiri: Vjosa Osmani është kukull e Albin Kurtit

Shefi i Grupit Parlamentar të PDK-së, Abelard Tahiri, e ka quajtur Presidentjen e Kosovës, Vjosa Osmanin “kukull e Albin Kurtit”.

Tutje, Tahiri tha se në PDK “çdo ditë e më shumë po bindemi se kemi bërë mirë që nuk kemi marrë pjesë në votimin e saj”.

“Vjosa Osmani duke ushtruar postin e presidentes, çdo ditë po na dëshmon se kemi bërë shumë mirë që nuk kemi nejt në sallë, mosreagimi i saj ndaj deklaratës të ministrit Vitia që të kërkohet që të hetohen mediat për punën e tyre është skandaloz. Kam prit që presidentja Osmani të reagojë në mbështetje të mediave, pra është garancë e Kushtetutës së Republikës së Kosovës Presidentja e vendit, por çdo ditë po na dëshmon së është vetëm një instrument i Albin Kurtit, pra është kukull e Albin Kurtit”, tha Tahiri në Kanal 10.