Tahiri: Qeveria të kërkojë nga BE-ja të deklarohet se angazhohet për njohje reciproke mes Kosovës dhe Serbisë

Ish-kryenegociatorja e Kosovës në bisedimet me Serbinë, Edita Tahiri, ka thënë se vizita e emisarëve Lajcak e Escobar ka rëndësi pasi BE duhet të deklarohet zyrtarisht se e ka në fokus njohjen reciproke mes Kosovës dhe Serbisë ashtu siç ka deklaruar ShBA-ja.

Tahiri ka shkruar se qeveria e Kosovës duhet të kërkojë nga BE-ja që të deklarohet se angazhohet për njohje reciproke mes Kosovës dhe Serbisë, raporton Gazeta Express.

“Vizita e përbashkët në Kosovë e emisarëve amerikan dhe evropian per dialogun, Escobar dhe Lajcak, ka shume rëndësi sepse ky është momenti kur Bashkimi Evropian duhet të deklarohet zyrtarisht se angazhohet per dialog qe ka ne fokus njohjen reciproke mes Kosovës dhe Serbisë, ashtu njësojë siç e bëri SHBA-ja, dhe Presidenti amerikan Biden gje e cila u konfirmua edhe nga Ambasadori amerikan ne Kosove. Prandaj mendoj se Qeveria e Kosoves duhet te kerkoj nga BE-ja te deklarohet se angazhohet per njohje reciproke ne Dialog, duke konfirmuar kështu që janë në linjë të njëjtë me SHBA-të”, ka shkruar ajo.