Tahiri për dështimin e seancës: E papranueshme, po abuzohet me besimin e qytetarëve

Shefi i deputetëve të Aleancës për Ardhmërinë e Kosovës (AAK), Besnik Tahiri, e ka quajtur të papranueshëm dështimin e seancave për shkak të kuorumit.

Sipas tij, Kuvendi është kthyer në një lojë me numra, që vjen si rrjedhojë e një qasjeje autoritare e arbitrare të Qeverisë tash e dy vjet.

Ai pohon se kjo qasje është e papranueshme dhe është abuzim me besimin qytetar.

“Fatkeqësisht jeni dëshmitarë edhe të një dështimi të seancës së Kuvendit. Ky dështim vjen si rrjedhojë e një qasjeje totalisht jo të përgjegjshme e jo serioze të mazhorancës. Na e shtyn seancën e parë për në orën 12:30 edhe kjo seancë dështoi për shkak se u mungojnë numrat”, tha Tahiri.

“Është e papranueshme dhe është abuzim me besimin qytetar me qasjen që e kanë kjo Qeveri dhe kjo mazhotancë. Kuvendi është kthyer në një lojë me numra, që vjen si rrjedhojë e një qasjeje autoritare, arbitrare që e ka pas tash e dy vjet”, tha Tahiri.

Kuvendi ka dështuar të mbajë vazhdimin e seancës të së mërkurën në mungesë të kuorumit. /EO