Tahiri: Në Bruksel s’u diskutua për asetet shtetërore të Kosovës

Ministra për Dialog në Qeverinë e Kosovës, Edita Tahiri, ka thënë se në Bruksel nuk është diskutuar asnjëherë për pasuritë e Kosovës.

“Serbia ka provuar që të iniciojë një diskutim të tillë në Bruksel, por nE kurrë nuk kemi pranuar që ajo të jetë në rend dite. Edhe pse ju mund të keni dëgjuar disa herë nga kryeministri Aleksandar Vuçiq për këtë çështje, unë dua t’ju siguroj se një bisedë e tillë kurrë nuk ka ndodhur”, u ka thënë Ministrja Tahiri reporterëve serbë, shkruan Radio KiM, transmeton Klan Kosova.

Kosova është përgjegjëse për pasuritë që janë nën pronësinë e saj, dhe kjo është e konfirmuar edhe me të drejtën ndërkombëtare, ka thënë Tahiri, duke e theksuar se Serbia ende e respekton Rezolutën 1244 të Kombeve të Bashkuara.

“Edhe gjatë protektoratit ndërkombëtar, UNMIK-u ka lëshuar udhëzime duke e qartësuar se të gjitha pronat në territorin e Kosovës i takojnë Kosovës. Këto udhëzime janë mjaft të qarta dhe në përputhje me të drejtën ndërkombëtare”, është shprehur Tahiri.

“Në njërën anë Serbia thotë se po respekton marrëveshjet, kurse në anën tjetër po mban strukturat paralele. Kjo i shkel marrëveshjet”, ka thënë Tahiri.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).