Tahiri: Kosova nuk do të diskutoj me Serbinë për çështjen e Trepçës

Anëtarja e Kabinetit Qeveritar Edita Tahiri thotë se autoritetet në Prishtinë nuk do të diskutojnë me Serbinë për çështjen e Trepçës. Thotë se Qeveria do të formoj një grup ekspertësh për përgatitjen e ligjit të veçantë për Trepçën e cila sipas saj do të zhvilloj veprimtarinë e saj në partneritet publiko-privat.

Ministrja pa Portofol Edita Tahiri e cila tash e sa vjet është pjesë e dialogut me Serbinë thotë se Trepça nuk diskutohet me Serbinë.

“Trepça dhe pasuritë tjera shtetëore të Kosovës janë nën sovranitetin e shtetit të Kosovës Ato asnjëherë dhe me askënd nuk do të diskutohen”, tha Tahiri për RTV21.
Tani kur Kuvendi ka miratuar Ligjin për Ndërmarrjet Publike ka mbeytur të riformulohet neni 11.3 për shkak të kritikave të shumta se u jep kompetenca komunave, Tahiri tha se komunat do të kenë kompetenca vetëm në periudhën e shpronësimit në funksion të kësaj kompanie.

Ministrja Tahiri tha se Qeveria do të krijoj një grup ekspertësh për të bërë Ligjin e veçantë për Trepçën.

Tahiri protestat që u organizuan nga Vetëvendosje dhe u mbështetën nga AAK’ja dhe NISMA për çështjen e Trepçës i quan kryekëput pretekst politik. Ndërsa sipas saj, u dëmtua shteti i 100 vjetëve sakrificë.