Tahir Dalipi dënohet me 14 vite burgim

Gjilan – Të martën në Gjykatën Themelore në Gjilan është shpallur aktgjykimi në rastin e Tahir Dalipit i dyshuar për vrasjen e Liridon Dushicës. Trupi gjykues i kryesuar nga gjykatësi Hasan Sadiku e ka dënuar dhe shpallur fajtor Dalipin me 14 vite burgim.

Gjykata Themelore në Gjilan shpalli fajtor Tahir Dalipin duke i shqiptuar një dënim prej 14 vitesh burgim. Duke shpallur aktgjykimin Hasan Sadiku kryetar i trupit gjykues tha e Dalipi është fajtor sepse në prill të vitit 2012 me paramendim dhe me dashje e ka privuar nga jeta tani të ndjerin Liridon Dushica.

Sadiku tha se Tahir Dalipit është përgjegjës sepse më 28 prill 2012 në kafiterinë “Oops Bar” me paramendim dhe me dashje e ka privuar nga jeta tani të ndjerin Liridon Dushica.

Sipas aktakuzës së ngritur nga prokurori Afrim Shefkiu, i akuzuari Tahir Dalipi dyshohet se në mënyrë dinake e ka nxjerrë briskun nga xhepi dhe e ka goditur tri herë në regjionin e kraharorit në gjoks e në shpin në anën e majtë me ç`rast të njëjtit i shkakton plagë vdekjeprurëse, nga të cilat plagë edhe vdes në QKUK në Prishtinë, Liridion Dushica.

Tahir Dalipi akuzohej për veprën penale “vrasje e rëndë”./rajonipress/