Tahir Batatina: Nuk kemi zgjedhje tjetër përpos ta mposhtim Gjilanin

Trajneri i skuadrës së Llapit Tahir Batatina me mjaft sukses ju ka rikthyer pankinës së Llapit.

Në takimin e javës së 27 skuadra e trajnerit Tahir Batatinës Llapi takohet me Gjilanin, ndeshje me peshë të madhe për dy skuadrat për vendasit për të ruajtur hapin për titullin e kampionit ndërsa për Gjilanin për t`i ikur zonës së rrezikshëm në tabelën e klasifikimit.

Trajneri Batatina ka bërë të ditur se përpos fitores nuk ka alternativë tjetër edhe pse do të jetë shumë e vështirë.

“Do të jetë vështirë pasi Gjilani ka një skuadër të mirë, ndërsa ndryshimet në bankën e Gjilanasve kanë sjellë frymë të re, në këtë ballafaqim do të hyjmë mjaft të mobilizuar për t`i fituar pikët i gjithë stafi dhe lojtarët gjatë tërë javës kemi bërë përgatitjet për këtë ballafaqim duke pasur besim në futbollistët e mijë duke e ditur se nuk kemi zgjedhje tjetër përpos fitores për të ruajtur hapin për kreun e tabelës, ndërsa atmosfera do të jetë e jashtëzakonshme duke e ditur se tifozët tanë “Legjendat” do të jenë në numër të madh në stadiumin “Zahir Pajaziti” për të na përkrahur drejt fitores”.

E veçanta e kësaj përballje do të jetë edhe një surprizë me mysafir special nga shteti i Gjermanisë të cilët do të jenë mysafir të klubit të Llapit.

“Në këtë ndeshje do të kemi mysafir special nga shteti i Gjermanisë për skuadrën tonë dhe do të na nderon prezenca e kryetarit të klubit FC Teutoniaa Ottensen dhe e gjithë kryesia e këtij klubi ndërsa neve nuk na mbetet tjetër përpos ti nderojmë dhe të dëshmojmë se skuadra e Llapit është skuadër e organizuar dhe e dëshmuar në futbollin e Kosovës” ka bërë të ditur njeriu i parë i pankinës së Llapit Tahir Batatina.

Skuadra e Llapit në dy ballafaqimet me Gjilanin ka dal fituese në takimin e parë në Podujevë kishte fituar me rezultat 3-1 ndërsa në Gjilan me rezultat 1-0

Pas 26 javëve Llapi pozicionohet në pozitën e 3 me 57 pikë ndërsa Gjilani në pozitën e 7 me 35 pikë./rajonipress/