Tahir Batatina: Do ta mposhtim Dritën do t`i gëzojmë qytetarët dhe “Legjendat” e Llapit

Befasinë më të madhe skuadra e Llapit në javën e IV-të, e kishte bërë duke e mposhtur Prishtinën në stadiumin “Fadil Vokrri”, një gjë të tillë skuadra e Tahir Batatinës e synon edhe në ballafaqim me Dritën në stadiumin “Zahir Pajaziti” në Podujevë.

Trajneri i Llapit, Tahir Batatina, ka bërë të ditur se fitorja kësaj radhe do të mbetet në Podujevë.
“Jemi të vetëdijshëm se do të jetë një ndeshje mjaft e vështirë duke e ditur potencialin që ka Drita, ne për këtë ndeshje jemi të përqendruar maksimalisht dhe të motivuar duke pasur një atmosferë brilante brenda skuadrës, futbollistët e Llapit janë në gjendje të vdesin në fushë për ngjyrat e klubit, futbollistët e mijë janë duke e dhënë më të mirën gjerë më tani në fushë duke i zaptuar detyrat dhe përgjegjësit që ju takojnë, ne si skuadër për këtë derbi kemi punuar maksimalisht dhe në fund të 90 minutave të ndeshjes ne do të jemi ata që do t`i gëzojmë qytetarët dhe tifozët tanë besnik Legjendat”.

Ndeshjen do ta drejton Besfort Kosumi me ndihmësit e tij Granit Hyseni, Elvis Bisaj e Kreshnik Vula./rajonipress/