Synon gola

Xherdan Shaqiri është i kënaqur me kontributin që po e jep tek Stoke City. Por, mesfushori kosovar thotë se gjithmonë është ambicioz dhe më kërkues, përcjell Zëri.

“Natyrisht, unë dua të shënoj më shumë gola, por jam po ashtu i lumtur kur mund të jap pasime apo asistime të mira. Jam i lumtur me paraqitjet e mia. Ndihem mjaft mirë fizikisht dhe kjo është e rëndësishme”, deklaroi futbollisti kosovar, i cili ka realizuar dy gola në 25 ndeshje këtë edicion.

“Mendoj se trajneri dëshiron që unë të fus më shumë topa në zonë dhe këtë e pamë ndaj Aston Villas. Jo vetëm krosime, por edhe në ndërtimin e golit të parë, kur fituam penallti. Ndonjëherë mund të krosoj dhe ndonjëherë mund të bëj pasim të mirë. i kemi parë të dyja këtë herë”, përfundoi Shaqiri. /Zëri/