Synimi ynë ishte Kosova jashtë Serbisë, thotë Vllasi

Sonte, në emisionin “Pressing”, me Leonard Kerqukin, në televizionin T7, po diskutohet për jetesën e shqiptarëve në Jugosllavinë e dikurshme, në periudhën e udhëheqjes së saj nga Josip Broz Tito. Ish-funksionari i lartë i komunizmit në Kosovë, Azem Vllasi, thotë se përkrahja ndërkombëtare është ajo që u ka munguar shqiptarëve gjithmonë.

Por ai përmend siç thotë, fuqinë e mbijetesës së popullit shqiptar.

“Ajo për çka ne duhet të mburremi e kemi atë fuqinë e mbijetesës. Ka presione e aksione tamam si gjenocid por ne i mbijetojmë ndërsa i përket rreshtimit të mëdhenjve këtë e përjetuam vetëm në vitin 1999”, shpjegon ai në Pressing në T7.

“Kemi qenë pa përkrahje”, shton ai.

Ai ka treguar se në kushtet e sundimit të Titos, synimi i shqiptarëve mundësisht ishte që Kosova të mos përfshihej në shtetin serb.