Synimi për arritje

Nga Arben Kurteshi – “Mundësia që ëndrrat mund të realizohen është ajo që e bën jetën interesante”, (Paulo Coelho).

Ne pikturuam ëndrrat në kokat tona dhe patëm guximin ti ndjekim ato deri në arritje.

Pas lulëzimit të ëndrrave tona, ne i kultivuam ato, dhe na dhuruan frutin e lirisë.

Nuk ka fuqi që mund ti përballojë dhe ta ndalë synimin e ëndrrave të përbashkëta të idealit të zemrës drejt arritjes; sepse fuqia idealit të zemrës dhe vizionit të mendjes dallon nga të gjitha dhe është mbi të gjitha, fruti i tyre është përmbushja.

Nëse synimi i parë i ëndrrave për arritje është pushteti, atëherë fruti i atyre ëndrrave është kolltuku.

Kjo e pamundëson zhvillimin e shpejt të vendit

Ëndrrat që mund të pikturohen në mendjen e vizionarëve e që kanë ideal zemre dhe vizion mendje të përbashkët me popullin, që synimi kryesorë e direkt është arritja për përparim, atëherë fruti i këtyre sakrificave, përpjekjeve e i vendosmërisë së palëkundur do të jetë zhvillimi i shpejt i vendit❗.

Mëse e rëndësishme dhe vendimtare është prurja e njerëzve në pushtet, që kanë ëndrrat e idealit të zemrës dhe vizionit mendjes të përbashkët me POPULLIN dhe që synimi kryesorë është në harmoni me këtë ideal dhe vizion, e që përpjekjet dhe sakrificat me vendosmëri janë të palëkundura për arritje; mund ta sjellë fuqinë e nevojshme të përbashkët për zhvillimin e shpejt të vendit.

Frutin që do ta dhuron kjo përpjekje e ky synim i përbashkët është zhvillimi i vendit në nivel evropian e përtej./rajonipress/