Sylejmani qëndron në Hannover

Edhe pse u flit për një largim të mundshëm nga skuadra e tij, talenti kosovar Valmir Sylejmani do të qëndroj në Hannover deri në fund të stinorit.Sulmuesi 18-vjeçar, i cili është lojtari më i ri që debutoi në historinë e Hannoverit, me vetëm 17 vite ishte lojtari i tretë më i ri që ka debutuar në Bundesligë, këtë stinor nuk ka pasur hapësirat e duhura në formacionin e Tayfun Korkutit, transmeton Telegrafi.

Gjilanasi kishte disa oferta të rëndësishme nga Bundesliga II si dhe nga Sturm Grazi austriak, por siç ka mësuar Telegrafi nga burime të afërta me lojtarin, ai nuk do të lëvizë nga Hannoveri.

Trajneri dhe klubi ia kanë pamundësuar largimin talentit kosovar, pasi i kanë treguar se është në planet e skuadrës dhe llogarisin shumë në të për pjesën e dytë të stinorit.

Aktualisht Valmiri është në Turqi së bashku me pjesën tjetër të skuadrës në fazën përgatitore. /Telegrafi/