Sylejmani: Po na hakmerren sepse jemi më të mirët, aktakuza është e paqëndrueshme

Gjilan – Pronari i “Nota Center”, Faton Sylejmani për rajonipress thotë se aktakuza e ngritur nga Prokuroria Speciale është e paqëndrueshme dhe me motive të caktuara për ta dëmtuar dhe njëllosur imazhin e mirë që ka ndërtuar për shumë vite kjo kompani. Po akuzohemi sepse kemi ndihmuar qindra raste të familjeve skamnore, invalid të luftës, veteran, pensionist e raste të ndryshme që kanë kërkuar ndihmë nga ne. Mbi 40 shtëpi kemi marrë përsipër që këtë vit t`i furnizojmë me materialet tona. Thjeshtë ana humane e jona po e pengon dikend shprehet Sylejmani.

Faton Sylejmani është pronarë i kompanisë “Nota Center” nga Gjilani e dyshuar se ka shmangur tatimin në vlerë të 2 mijë e 61 eurove. Por kjo aktakuzë e ngritur nga Prokuroria Speciale e Kosovës po shihet si me shumë dyshime dhe e porositur nga qarqe të caktuara mendon Sylejmani raporton rajonipress.

Faton Sylejmani thotë se këtë sqarim po e bënë për hir të publikut dhe për hir të reputacionit që ka kompania “Nota Center” dhe “Nota Brilant”. “Unë thjeshtë po gjykojë se kjo aktakuzë është e porositur dhe qëllim kryesor ka dëmtimin e reputacionit dhe njollosjen e imazhit. Aktakuza është e paqëndrueshme dhe në të njëjtën kohë është e pa bazë sepse bëhet fjalë për një shumë që për kompaninë tonë kurrë s`ka qenë problem. Kemi dhënë mbi 300 mijë euro donacione dhe kemi ndihmuar të gjitha kategoritë e familjeve skamnore, veteranët e luftës, invalidët, pensionistët, ekonomitë familjare, rastet e të sëmurëve e shumë njerëz që as mund t`i mbajmë në mend. Edhe këtë vit (2015) kemi marrë përsipër të ndihmojmë mbi 40 shtëpi me materialet tona për familjet skamnore” shprehet Sylejmani.

Sylejmani thotë se ana humane e kësaj kompanie dikend po e pengon dhe nuk është e rastësishme kjo aktakuzë.”Ne do ta argumentojmë edhe në Gjykatë se aktakuza nuk ka fakte, nuk ka prova dhe se i mungojnë elementet kryesore. Jemi kompania më serioze në Kosovë sepse i kemi paguar të gjitha obligimet ndaj shtetit dhe për këtë kemi fletëpagesa dhe kemi dëshmi të bollshme. Rivaliteti dhe grupet e ndryshme e mafia politike po mundohen të na dëmtojnë. Klanet e natës janë munduar me çdo kusht që ne të njollosemi, por nuk do ia arrijnë qëllimit sepse jam i bindur se Gjykata do e hudhë poshtë ende pa nisur procesi gjyqësor” mendon Sylejmani.

Megjithatë, Faton Sylejmani thotë se i beson organeve të drejtësisë dhe pret nga ajo që ta thotë fjalën e vet dhe mos të ndikohet nga politika.”Unë pres pafajësi në këtë proces tashmë të montuar e të motivuar nga qarqe të caktuara” u shpreh Sylejmani./rajonipress/