RCCOLA

Sveçla: Një pjesë e kriminelëve përgjegjës për ngjarjet e së martës në veri, janë ish-pjesëtarë të Policisë së Kosovës

/ 2 minuta lexim

Ministri i Punëve të Brendshme, Xhelal Sveçla, ka folur për situatën në veri shpërthimeve të ditës së martë.

Sveçla thotë se situatë sot në atë pjesë të Kosovës është e qetë.

Ai thotë se bandat kriminale kanë penguar organizimin e zgjedhjeve përmes metodave terroriste.

Ministri i Punëve të Brendshme thotë se gjatë sulmit janë përdorur armë zjarri, shok bomba dhe granata dore.

Mobi Casa

“Gjatë këtij sulmi janë përdorur shok bomba, granatë dore e armë zjarri. Në këtë rast PK në bashkëpunim me prokurorinë speciale e ka cilësuar si sulm ndaj rendit kushtetues, shtytje në vepra terroriste, kryerje e veprave terroriste, zjarrvënie dhe mbajtje nën kontroll dhe posedim të pa autorizuar të armëve”.

Ai thotë se organizatat e sigurisë janë duke bërë përpjekje që të sjellin para drejtësisë kriminelët që kanë kryer këto vepra.

“Tashmë kemi të dhënat e para nga terreni qoftë nga inteligjenca apo policia e rendit dhe sipas tyre një pjesë e kriminelëve janë ish-pjesëtarë të Policisë së Kosovës. Nuk po them të gjithë, por disa prej tyre janë nga ata që kanë dhënë dorëheqje kohëve të fundit”.

Sveçla thotë se qeveria është e vendosur që të zbatojë ligjshmërinë në çdo pjesë të Kosovës./Telegrafi/