Surdulli uron besimtarët

Gjilan – Besimtarë të nderuar, kam rastin dhe kënaqësinë që në emër të strukturave komunale dhe në emrin tim personal t’ju uroj të gjithë besimtarëve të fesë islame festën e Fitër – Bajramit, duke e lutur Allahun e Madhërishëm, që të gjithë agjëruesve t’ua ketë pranuar agjërimin, lutjet, ibadetet dhe punët e mira gjatë këtij muaji në shenjë respekti ndaj krijuesit fuqiplotë Allahut thuhet në urimin e kreut komunal të Kamenicës Shaip Surdulli.

Besojmë thellë se edhe kësaj radhe do të shprehet fryma e solidaritetit ndaj familjeve skamnore si dhe ndaj jetimëve.

Ju dëshirojmë që këtë festë të shenjtë ta kaloni në harmoni me të afërmit me familjarët e miqtë tuaj. Shprehim besimin, që festa do të jetë nxitje për përparim të mëtejshëm, mirëkuptim për paqe e dialog dhe zhvillim të përgjithshëm të komunës dhe shtetit tonë Republikës së Kosovës thuhet në urimin e kryetarit të Kamenicës Shaip Surdulli./rajonipress/