Surdulli thotë se do ta zhvillojë Roganën

Kamenicë – Rogana është shtylla kryesore e fshatrave të Kamenicës. Andaj, kur flitet për projektet në Roganë, duhet të konsiderohen si prioritet, sepse me një Roganë të zhvilluar, edhe vendet përreth janë të zhvilluara ka thënë Shaip Surdulli kandidat për deputet nga radhët e koalicionit LDK-AKR – Alternativa.

“Sot më keni bërë krenarë me pjesëmarrjen tuaj në prezantimin e programit tonë. Rogana është shtylla kryesore e fshatrave të Kamenicës. Andaj, kur flitet për projektet në Roganë, duhet të konsiderohen si prioritet, sepse me një Roganë të zhvilluar, edhe vendet përreth janë të zhvilluara. Me 11 qershor, e keni listën e pasur të koalicionit LDK-AKR me vendas që jetojnë dhe veprojnë në mesin tuaj” ka shkruar Shaip Surdulli.

Surdulli ka qëndruar edhe në Dajkoc. “I falënderoj qytetarët e Dajkocit për përkrahjen e tyre. Isha i nderuar të bashkëbisedojmë për brengat tona si qytetarë të Kamenicës”./rajonipress/