Surdulli takon mërgimtarin Bahtjar Keka Kelmendi

Gjilan – Kryetari i komunës së Kamenicës, Shaip Surdulli, të hënën e ka pritur bashkëvendësin Bahtjar Keka Kelmendi, i cili jeton në Stamboll për 45 vite. Bahtjari është i lindur në fshatin Karaçevë, familja e të cilit më parë shpërngulet në Bujanoc, e prej andej në Stamboll të Turqisë.

Malli për vendlindjen i mbeti një brengë e pa shuar, andaj edhe shpesh e viziton Kosovën. Gjatë luftës së Kosovës ai me familjen e tij u angazhua për t’i dalë në ndihmë refugjatëve kosovar, që ia kishin mësyrë Turqisë. Bahtjar Keka Kelmendi është njeri i përkushtuar për shqiptarinë, kurse tani brengoset edhe për Kosovën Lindore.

Kryetari i komunës së Kamenicës, Shaip Surdulli, falënderoj për vizitën e bërë komunës së Kamenicës, njëherit falënderoj për gjithë kontributin që e ka dhënë për gjithë refugjatët e Kosovës që kishin migruar në Turqi, gjatë luftës së fundit të Kosovës./rajonipress/