Surdulli shkarkon Ilir Kastratin

Gjilan – Shaip Surdulli e ka shkarkuar nga pozita e drejtorit të urbanizmit Ilir Kastratin me arsyetimin se nuk ka bashkëpunuar me kreun e komunës dhe nuk ka bashkëpunuar me drejtorët e drejtorive.

Kryetari i Kamenicës Shaip Surdulli e ka shkarkuar nga detyra e drejtorit të urbanizmit dhe planifikimit hapësinor Ilir Kastratin dhe në vend të tij ka emëruar ushtrues detyre Irfan Dërmakun.

Surdulli në vendimin e tij ka thënë se Kastrati nuk ka bashkëpunuar me kryetarin e Komunës në kryerjen e detyrave si dhe nuk ka komunikuar me drejtorët e drejtorive tjera komunale.

Ilir Kastrati i kontaktuar nga rajonipress fillimisht shprehi habi se si është marrë një vendim i tillë, por më vonë tha se pasi ta lexojë vendimin do të dal publikisht me një deklaratë rreth vendimit të Surdullit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).