Surdulli nderohet me titullin “Kryekomunar shqiptarë i vitit”

Gjilan – Rrjeti Global i Gruas Shqiptare i ka ndarë mirënjohje Shaip Surdullit duke i dhënë titullin si kryekomunari shqiptarë më i mirë i vitit.

Rrjeti Global i Gruas Shqiptare, në vazhdimësi të nismës madhore dhe kombëtare historike të ndërmarrë për fuqizimin e gruas Shqiptare, ka mbajtur kongresin e Pestë të gruas shqiptare mbarëkombëtare në Prishtinë.

Në këtë takim i pranishëm ishte edhe Kryetari i komunës së Kamenicës Shaip Surdulli, të cilit iu nda Certifikatë – Mirënjohje me titull “ Kryekomunar Shqiptarë i Vitit”, nga Presidentja e Rrjetit Global të Gruas Shqiptare Lida Rragami.

Kryetari Surdulli, ka përshëndetur të pranishmit e njëherit dhe ka falënderuar për mirënjohjen e dhënë. Surdulli ka thënë se roli i gruas shqiptare gjithmonë ka qenë i madh dhe i rëndësishëm për shoqërinë shqiptare. “Gruaja ishte shtylla kryesore e shumë proceseve kosovare dhe edhe sot ajo po jep një ndihmesë dhe kontribut të pamohueshëm në jetën politike, ekonomike dhe kulturore” ka thënë Surdulli./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).