Surdulli: Më pak dallime në jetën tonë të përditshme

Gjilan – Kontributi i të gjithë neve duhet të jetë që sa më pak të ketë dallime në jetën tonë të përditshme, ngase para së gjithash jemi njerëz, të gjithë e duamë jetën, të gjithë e duamë shtetin tonë dhe të gjithë dëshirojmë me jetua, me ecë, e me fol të lirë dhe me punua të lirë ka thënë Shaip Surdulli, duke apeluar që sa më shumë të kontribuojnë për këto qëllime të mira, ngase çdo punë e mirë është në interes të të gjithë qytetarëve.

Në organizim të grupit të pajtimit ndëretnik nga komuna e Kamenicës, të enjten është mbajtur trajnimi me temën “ Demokracia dhe toleranca ndëretnike”. Në këtë takim të pranishëm ishin edhe përfaqësues të komunave të Gjilanit, Novobërdës, Ranillugut dhe komuna e Kamenicës.

I pranishëm ishte edhe Kryetari i komunës së Kamenicës, Shaip Surdulli, drejtori regjional i OSBE-së, Ulrich Biffar, përfaqësues të OSBE-së dhe të KFOR-it.

Nazmije Demolli-Kastrati, Koordinatore e Njësisë Komunale për të Drejtat e Njeriut, njëherit anëtare e grupit të pajtimit ndëretnik, ndër të tjera ka thënë se më 27 mars 2013 është nënshkruar deklarata përfundimtare –pajtimi ndëretnik, ku Kryetari i komunës së Kamenicës, Kryetari i komunës së Novobërdës, Kryetari i komunës së Gjilanit dhe zv. Kryetari i komunës së Ranillugut, publikisht kanë nënshkruar një deklaratë të përbashkët me qëllim të promovimit të dialogut ndëretnik dhe tolerancës në këto katër komuna.

Ndërsa, Kryetari i komunës së Kamenicës, Shaip Surdulli, e vlerësoj pozitivisht ardhjen e të rinjve në këtë takim.“Kontributi i të gjithë neve duhet të jetë që sa më pak të ketë dallime në jetën tonë të përditshme, ngase para së gjithash jemi njerëz, të gjithë e duamë jetën, të gjithë e duamë shtetin tonë dhe të gjithë dëshirojmë me jetua, me ecë, e me fol të lirë dhe me punua të lirë” ka thënë Kryetari Surdulli, duke apeluar që sa më shumë të kontribuojnë për këto qëllime të mira, ngase çdo punë e mirë është në interes të të gjithë qytetarëve.

Drejtori regjional i OSBE-së, Ulrich Biffar, thotë se shumica prej jush do të jenë një gjeneratë e ardhshme e liderëve dhe pa e kuptuar mirë qasjen ndëretnike, me siguri se nuk do të ketë një të ardhme të mirë. Ju uroj një shkëmbim informatash reciproke mes jush.

Përfaqësuesi i KFOR-it, Gorden, falënderoj për ftesën. Është kënaqësi që shoh se janë mbledhur këta të rinj së bashku të katër komunave.

Bujar Haziri, i cili ishte në cilësinë e trajnerit thotë se gjithmonë kemi nevojë të komunikojmë në mënyrë paqësore, në mënyrë të favorshme, t`i zgjedhim konfliktet tona me teknikat tona më të mira. Haziri, gjatë këtij trajnimi ndau në grupe nxënësit ku ata patën rastin që të komunikojnë mes veti të prezantojnë njëri-tjetrin.

Nxënësit e pranishëm, thonë se u ndien shumë mirë që komunikuan me njëri- tjetrin dhe shkëmbyen informata mese vete, po ashtu disa nga dëshirat e tyre ishin që të ndjehen të barabartë, të respektojnë njëri- tjetrin, të mësojnë në një shkollë të përbashkët dhe të punojnë në të mirë të të gjithëve.

Nxënësit e pranishëm, thonë se u ndien shumë mirë që komunikuan me njëri- tjetrin dhe shkëmbyen informata mese vete, po ashtu disa nga dëshirat e tyre ishin që të ndjehen të barabartë, të respektojnë njëri- tjetrin, të mësojnë në një shkollë të përbashkët dhe të punojnë në të mirë të të gjithëve./rajonipress/