Surdulli mbron vendimet komunale para AKP – së

Gjilan – Kryetari i komunës së Kamenicës, Shaip Surdulli, ka njoftuar përfaqësuesit e AKP- së se Kuvendi ka marrë vendim vitin e kaluar për lejimin e ndërrimit të destinacionit nga toka bujqësore- serën ( bahçen), e qelqit në tokë ndërtimore për ndërtimin e infrastrukturës për banim, objekte afariste dhe objekte me interes të përgjithshëm.

Kryetari i komunës së Kamenicës, Shaip Surdulli, të martën ka pritur kapitenin Brayant, udhëheqës i njësisë së KFOR-it LMT- 1, në Kamenicë me bashkëpunëtorë, si dhe Zeqirja Morinën, Menaxher i zyrës Rajonale në ( AKP) Gjilan.

Gjatë këtij takimi u diskutua për seren ( bahçen), e cila gjendet afër objektit të komunës.

Kryetari i komunës së Kamenicës, Shaip Surdulli, ka njoftuar të pranishmit se kuvendi ka marrë vendim vitin e kaluar për lejimin e ndërrimit të destinacionit nga toka bujqësore- serën ( bahçen), e qelqit në tokë ndërtimore për ndërtimin e infrastrukturës për banim, objekte afariste dhe objekte me interes të përgjithshëm.

Ai tha se me vendimin që është marrë në kuvend, ne kemi njoftuar edhe zyrën regjionale të AKP-së, mandej kemi bërë një shkresë që kërkojmë nga AKP-ja që me bordin e kooperativës bujqësore që të bëjnë zgjedhje lidhur me konstruksionin.

Ndërkaq, Zeqirja Morina, Menaxher i zyrës Rajonale në ( AKP), Gjilan, ka thënë se është e vërtet që kemi pranuar njoftimin prej komunës së Kamenicës, lidhur me rialokimin e mbetjeve- konstruksioneve metalike dhe duke marrë parasysh interesin e komunës, por edhe obligimin ligjorë që kemi si agjension, ne kemi iniciuar një padi për vërtetim pronësie në gjykatën themelore në Kamenicë.

“Duke marrë parasysh që prej viteve të 80-ta, që ndërmarrja ish “Kriva Reka”, tani “Agroprodukt “ ka qenë në posedim faktik e drejta pronësore ka qenë e komunës dhe bazuar në këto ne kemi bërë padi në gjykatën kompetente dhe jemi në pritje të shqyrtimit apo vendimit lidhur me padinë tonë” ka thënë Morina./rajonipress/