Surdulli: Kastrati është paraqitur si opozitë brenda koalicionit

Gjilan- Shaip Surdulli tha për rajonipress se ende pret bashkëpunim dhe kooperim me AAK, pas shkarkimit të Ilir Kastratit. Kastratin e shkarkova sepse nganjëherë është paraqitur si opozitë brenda koalicionit LDK-AAK.

Surdulli aspak nuk është pishman që e ka shkarkuar Ilir Kastratin nga detyra e drejtorit të urbanizmit. Për rajonipress Surdulli tha se ende pret bashkëpunim dhe kooperim me partnerin e koalicionit AAK.

Surdulli duke sqaruar arsyen e shkarkimit të Kastratit tha se ai nganjëherë është paraqitur si opozitë brenda koalicionit LDK-AAK. Surdulli tha se kjo pozitë është e AAK-së dhe pres nga ata që të propozojnë një kandidatë të mirë për ta emëruar për drejtor.

Duke ju referuar deklaratave të Lulzim Lecit se nuk ka pasur të drejtë të shkarkojë Ilir Kastratin , Surdulli tha se ai ka të drejtë të emëroj apo shkarkojë ndonjë drejtor sa herë që është e arsyeshme.”Unë jam për vazhdimin e raporteve të mira me AAK dhe nuk shoh ndonjë krizë apo rrezik nga ky shkarkim” tha Surdulli./rajonipress/