Gjilan – Kreu i Kamenicës Shaip Surdulli tha për rajonipress se megjithatë edhe në fshatrat Muqivërcë e Berivojcë, ku janë ankuar përfaqësuesit e tyre ka pasur dhe ka investime , por kuptohet që Komuna e Kamenicës nuk e ka në plan të bëjë diçka ekstra për këshillat lokale sepse këshillat lokale mund të bëjnë vetëm propozime, kurse Kuvendi vendos për çështjet madhore të komunës.
Kreu i Komunës së Kamenicës Shaip Surdulli nuk është pajtuar me konstatimet e krerëve të Bashkësive Lokale të Kamenicës, të cilët janë ankuar se Komuna po i anashkalon, dhe nuk po i merr parasysh projektet e tyre dhe po i trajton vetëm si kukulla.
Këto kritika në adresë të komunës janë bërë nga Adem Hashani, kryetar i Bashkësisë Lokale të Muçivercit dhe kryetari i Bashkësisë Lokale të Berivojcës, Bekim Leci.
Por Surdulli për rajonipress tha se nuk janë të vërteta ankesat e fshatrave se gjoja komuna nuk i njeh këshillat dhe kryetarët e këshillave lokale. “Realisht ata herë pas here thirren në debatet me qytetarë sidomos për planifikimin e buxhetit komunal si dhe planin zhvillimor komunal” tha Surdulli.
Surdulli tha se kryetarëve të këtyre bashkësive lokale u merren parasysh propozimet e tyre për buxhetin, për projektet, por kuptohet se Kuvendi komunal sipas ligjit për vetëqeverisjen lokale nuk është ai që vendos për aprovimin e buxhetit dhe projekteve në territorin e komunës.
Surdulli tha se megjithatë edhe në fshatrat Muqivërcë e Berivojcë ku janë ankuar përfaqësuesit e tyre ka pasur dhe ka investime , por kuptohet që Komuna e Kamenicës nuk e ka në plan të bëjë diçka ekstra për këshillat lokale sepse këshillat lokale mund të bëjnë vetëm propozime, kurse Kuvendi vendos për çështjet madhore të komunës.
Kreu i Kamenicës u ka dhënë edhe një vërejtje miqësore këtyre përfaqësuesve lokal..”Vërejtjet e tyre janë të mirëseardhura, por nuk do të thotë që vetëm me vërejtje e ankesa kryhen punët, derisa ata më mirë është që të punojnë që ndonjë projekt ta realizojnë edhe me bashkëpjesëmarrjen e komunitetit me komunën apo me ndonjë organizatë ndërkombëtare” tha Surdulli./rajonipress/
