Surdulli: Ibrahim Matoshi është krejtësisht i pafajshëm dhe duhet të lirohet sa më parë

Gjilan – Nuk është ky rasti i parë që policia serbe arreston në kufi qytetarët e Verbicës (së Kmetocit), në këtë rast bashkëvendësit e mi! Rasti i parë i pas luftës i arrestimit nga policia serbe, ishte me Abdullah Robellin (tani i ndjerë). Arrestimi i djeshëm i bashkëvendësit tim, Ibrahim Matoshi, i cili po kthehej në Gjermani atje ku jeton dhe punon me nder me familjen e tij, për ne është krejtësisht i papranueshëm dhe i dënueshëm si akt i dhunës dhe shkelje e të gjitha konventave ndërkombëtare për të drejtat dhe liritë e njeriut ka thënë Shefik Surdulli këshilltar komunal nga radhët e PDK-së dhe bashkëvendës i Ibrahim Matoshit.

Ibrahim Matoshi, stomatolog në Gjermani, vie nga një familje përparimtare atdhedashëse, me prejardhje nga Gmica, ku të parët e tijë ishin vendosur pas dëbimit masiv të dhunshëm – golgotës shqiptare, më 1878, nga Toplica. Ibrahim Matoshi ishte shembull për të mirë i një të riu shqiptar të edukuar, i urtë dhe entuziast pēr dije e përparim. Me këtë rast, kërkojmë nga institucionet tona shtetërore, të përdorin autoritetin e tyre tek mekanizmat ndërkombëtar të BE-së, që të bëjnë të mundur lirimin e menjëhershëm nga burgu në Serbi, të Ibrahim Matoshit, nga Verbica ka thënë në reagimin e tij, Shefik Surdulli, këshilltar komunal nga PDK, me banim në Verbicë të Kmetocit./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).