Surdulli falënderon SHBA-të për grantin prej 100 mijë dollarësh

Gjilan – Kryetari i Komunës së Kamenicës Shaip Surdulli, ka pritur të martën nënkolonelin e ushtrisë së SHBA-ve , zyra qendrore e bashkëpunimit në aspekte të mbrojtjes Ray Wojcik me bashkëpunëtor. Kryetari Surdulli, njoftoj Wojcik, për numrin e banorëve, dhe drejtoritë komunale.

Surdulli ka falënderuar Ray, për vizitën e bërë komunës së Kamenicës, si dhe për grantin që ka fituar Shkolla e Mesme e Lartë Profesionale “ Andrea Durrsaku “ në Kamenicë, nga Ambasada Amerikane, përkatësisht nga departamenti i mbrojtjes në vlerë prej 100 mijë dollarë.

Surdulli tha se nga regjistrimi i fundit në komunë janë rreth 40 mijë banorë dhe njëmbëdhjetë drejtori.

Ray Wojcik, u interesua edhe për funksionimin dhe stafin e shkollave në komunën e Kamenicës, ku për këtë foli drejtoresha e Arsimit Fahrije Kryeziu e cila tha se në komunën e Kamenicës, janë njëzetepesë shkolla amë , pa paralele të ndara.

Kryeziu tha se prej tyre nëntëmbëdhjetë janë në gjuhën shqipe, shtatëmbëdhjetë janë shkolla fillore dhe dy janë shkolla të mesme në gjuhën shqipe dhe shkollat të tjera janë në gjuhën serbe, pra katër shkolla fillore dhe dy shkolla të mesme në gjuhën serbe, ndërsa stafi mësimdhënës, punëtorë teknikë dhe administratë gjithsejtë jemi 800 punëtorë.

Drejtori i Shkollës Mesme të Lartë Profesionale “ Andrea Durrsaku”, ka thënë se granti i fituar prej 100 mijë dollarësh nga Ambasada Amerikane, përkatësisht departamenti i mbrojtjes, do të përfshij lyrjen e jashtme të shkollës, ndërrimin e kulmit, ndërrimin e dyerve si dhe disa punë tjera./rajonipress/