Surdulli e fiton edhe një betejë me gjyqësorin

Gjilan – Shaip Surdulli të hënën ka marrë zyrtarisht njoftimin nga EULEX-i se është liruar nga hetimet e mëtutjeshme nga kjo Gjykatë me seli në Prizren. Surdulli së bashku me Islam Thaçin dhe Hasan Keqmezin janë hetuar për një kohë të gjatë për projektin e varrezave të dëshmorëve në Kamenicë.

Kryetari aktual në Kamenicë Shaip Surdulli e ka fituar edhe një betejë në raport me hetuesit dhe gjyqësorin. I hetuar për një kohë të gjatë Shaip Surdulli së bashku me Islam Thaçin ish kryeshef i ekzekutivit dhe Hasan Keqmezi menaxher i prokurimit janë liruar nga hetimet në mungesë të provave, raporton rajonipress.

Surdulli tha për rajonipress se të hënën e ka marrë vendimin nga Gjykata e EULEX-it në Prizren se është pezulluar lënda dhe hetimet e mëtutjeshme.”Vendimi ka ardh në emër të prokurores së EULEX-it Oprea Steluta dhe prokurorit të shtetit Metush Biraj” tha Surdulli.

Surdulli tha se është quar shumë pluhur nga opozita dhe të tjerët rreth këtij hetimi, por unë që nga dita e parë kam qenë i bindur se aty s`ka pasur asnjë dyshim apo keqpërdorim të buxhetit. “Kamenica është komunë e njohur edhe për transparencë por edhe për shpenzimet buxhetore të cilat i kemi menaxhuar profesionalisht” tha Surdulli.

Surdulli tha se vazhdimisht ka bashkëpunuar me organet hetuese dhe me EULEX-in sepse sqarimet profesionale janë të nevojshme në çdo kohë. “Unë jam krenar për punën e mirë që e kemi bërë për këto vite në Kamenicë dhe jam i lumtur që vërtet akuzat e pabaza herdokur po vërtetohen dhe po dalin në shesh” tha Surdulli.

Ndryshe Surdulli është dëshmitar në një gjykim tjetër kundër rivalit të tij Begzad Sinanit dhe Hasan Keqmezit, i cili gjykim ka filluar më 25 shtator 2013.

Sinani dhe Keqmezi ndryshe dyshohen për veprën penale të keqpërdorimit të pozitës, të buxhetit dhe projekteve gjatë kohës 2008-2009.

Surdulli tha se qytetarët e komunës së Kamenicës duhet ta din se Begzad Sinani, kundër kandidat për Kryetar të komunës së Kamenicës nuk e meriton votën e qytetarëve sepse e ka keqpërdorur atë./rajonipress/